possa
Најава

Услови за салони

Важат од:

1. Опфат

Овие услови важат за салоните и мастерите што користат Possa за прием на резервации, заедно со Условите за користење и Политиката за приватност. Со регистрација на салон ги прифаќате овие услови.

2. Вашите обврски

  • Гарантирате дека имате право да ја вршите дејноста и дека податоците, цените, работното време и фотографиите што ги објавувате се точни и не повредуваат туѓи права.
  • Навремено ги потврдувате или одбивате барањата и ги почитувате потврдените термини.
  • Не ја злоупотребувате платформата и не ја доведувате јавноста во заблуда.

3. Претплата и цени

  • Нов салон добива пробен месец од 30 дена со сите Pro алатки. По пробата салонот продолжува на пакетот Possa, а Pro алатките се заклучуваат додека не се избере пакетот Possa Pro. Претплатата е по локација (салон), месечна или годишна, според важечкиот ценовник што салонот го добива пред наплата. Наплатата е рачна, со фактура. Партнерски код за попуст дава бесплатни месеци и го заменува пробниот месец. Важи подолгиот период, еден код по салон.
  • Founding, пилот и академија профилите не плаќаат претплата во договорениот период, но се бројат во скалата на локации.
  • Нема провизија по термин. Плаќањата меѓу Вас и клиентите не минуваат низ Possa.
  • Промена на цените важи од следниот пресметковен период, со известување најмалку 30 дена однапред.

4. Фактурирање и плаќање

  • Плаќањето е по фактура, со банкарски трансфер, однапред за претплатниот период.
  • Истекот на претплатата не го гаси профилот автоматски. Прво добивате предупредување во контролната табла и на контактот.

5. Суспензија

Можеме да сокриеме или суспендираме профил при сериозни или повторени поплаки, невистинити информации, злоупотреба на платформата или неплатена претплата по разумен дополнителен рок. Каде што е можно, прво Ве контактираме.

6. Податоци на клиентите

За податоците на клиентите добиени преку платформата (име, телефон, е-пошта, забелешка, историја на термини) вие сте самостоен контролор во согласност со Законот за заштита на личните податоци, а Possa е одделен контролор за работата на самата платформа. Податоците ги користите само за извршување на закажаните услуги. Не смеете да ги користите за маркетинг без посебна согласност на клиентот, ниту да ги пренесувате на трети лица. Историјата на термини се анонимизира 3 години по терминот.

7. Отказен рок

Можете да престанете да ја користите платформата во секое време, со известување на kontakt@possa.mk. Претплатата важи до крајот на платениот период. За започнат период не се враќаат средства. Профилот се симнува од јавниот дел, а податоците следат по правилата од Политиката за приватност.

8. Завршни одредби

За сè што не е уредено овде важат Условите за користење. Измените на овие услови ги објавуваме на платформата најмалку 30 дена пред да стапат во сила.

Прашања: kontakt@possa.mk.